१ जेठ, दाङ । दाङको एक विद्यालयमा वडा सदस्यबाट प्रधानाध्यापक कुटिएका छन् ।
जिल्लाको राजपुर गाउँपालिका वडा नम्बर ७ स्थित मावि सिक्टाका प्रधानाध्यापक विष्णु खत्रीलाई वडा सदस्य प्रमोद बस्नेतबाट कुटिएका हुन् ।
वडा सदस्यको कुटपिटबाट प्रधानाध्यापकको आँखा, टाउको र हातमा चोट लागेको छ ।
वडानम्बर ७ का अध्यक्ष पुष्कर वलीसँग सोमबार वडा कार्यालयमा छलफल गरिरहेका बेला वडा सदस्य बस्नेतले आफूमाथि कुटपिट गरेको प्रधानाध्यापक खत्रीले बताए ।
प्रधानाध्यापक खत्रीका अनुसार विद्यालयको विषयमा छलफल भइरहेकोबेला वडा सदस्य प्रमोद बस्नेत वडा कार्यालयमा प्रवेश गरेर स्कुलमा नाम लेखाउने विषयमा किन शुल्क उठाएको भनेर प्रश्न गरेका थिए ।
विद्यार्थीबाट शुल्क नउठाए विद्यालय कसरी सन्चालन गर्ने भन्नेबित्तिकै प्रधानाध्यापक प्रमोद बस्नेतमाथि जाईलागे ।
वडा सदस्य बस्नेतले पनि प्रधानाध्यापकमाथि कुटपिट गरेको स्वीकार गरेका छन् । प्रधानाध्याक खत्रीले मुख छोडेपछि हात छोड्न बाध्य भएको बताए ।
Sajhasabal Media Pvt Ltd
सूचना विभाग द. न. : 2422/077-78
संचालक/सम्पादक: Anil Adhikari
